Aqparat jáne komýnıkasıalar mınıstri Dáýren Abaev  «Parasat» ordenin aldy dep habarlaıdy Qamshy.kz aqparat agenttigi.  

"Parasat" ordeni Qazaqstan Respýblıkasynyń Prezıdenti jarlyǵymen 1993 jyly 1 sáýirde bekitildi. «Parasat» ordenimen Qazaqstannyń rýhanı, zıatkerlik áleýetine úles qosqan, adam quqyǵy men onyń áleýmettik múddelerdi qorǵaý jónindegi belsendi qyzmet etken ǵylym men mádenıet, ádebıet pen óner qaıratkerleri, memleket jáne qoǵam qaıratkerleri, basqa da azamattar marapattalady.

Dáýren Áskerbekuly Abaev 1979 jyly Almaty oblysynda dúnıege kelgen. 2001 jyly Ál-Farabı atyndaǵy Qazaq memlekettik ulttyq ýnıversıtetin támamdady. 2014 jyly Eýrazıa gýmanıtarlyq ınstıtýtyn bitirgen.

 2001 jyldyń tamyzy men 2003 jyldyń tamyzy aralyǵynda Qazaqstan Respýblıkasy Syrtqy ister mınıstrliginiń ortalyq apparatynda jumys istedi.

2003 jyldyń mamyry men 2007 jyldyń mamyry aralyǵynda Qazaqstan Respýblıkasynyń Ázerbaıjandaǵy jáne Nıderlandy Koróldigindegi Elshilikterinde dıplomatıalyq qyzmet atqardy.

2007 jyldyń mamyry men 2007 jyldyń jeltoqsany aralyǵynda - Qazaqstan Respýblıkasy Syrtqy ister mınıstrliginiń Baspasóz qyzmeti bóliminiń bastyǵy.

2007 jyldyń jeltoqsany men 2008 jyldyń jeltoqsany aralyǵynda - Qazaqstan Respýblıkasy Prezıdenti Protokolynyń bas sarapshysy, konsýltanty.

2008 jyldyń jeltoqsany men 2009 jyldyń qazany aralyǵynda - Qazaqstan Respýblıkasy Prezıdenti Baspasóz hatshysynyń orynbasary.

2009 jyldyń qazanynan - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

2011 jyldyń qazanynda Memleket basshysynyń Ókimimen Qazaqstan Respýblıkasy Prezıdentiniń Baspasóz hatshysy bolyp taǵaıyndaldy.

2013 jyldyń shildesinen osy taǵaıyndaýǵa deıin Qazaqstan Respýblıkasy Prezıdentiniń keńesshisi - Qazaqstan Respýblıkasy Prezıdentiniń Baspasóz hatshysy qyzmetin atqardy.

İ-synypty birinshi hatshy dıplomatıalyq dárejesi bar. Qazaq, orys, aǵylshyn tilderin meńgergen.

«Qurmet» ordenimen marapattalǵan.